FESTA DA AUGA EN INFANTIL

 Hoxe vivimos unha xornada moi especial e refrescante en Educación Infantil coa nosa esperada Festa da Auga!

As crianzas desfrutaron dunha mañá chea de diversión participando en catro zonas de xogo diferentes. Na primeira, puxeron a proba a súa habilidade e traballo en equipo cos relevos de esponxas, transportando auga dun lugar a outro. Na segunda estación, realizaron distintos transvasamentos de auga, experimentando e xogando mentres enchían e baleiraban recipientes.

A creatividade tamén estivo presente na zona de pintura corporal, onde puideron expresarse libremente con cores. E, por suposto, unha das actividades máis esperadas foi o tobogán acuático, polo que se deslizaron unha e outra vez.

Para rematar esta fantástica festa, todos e todas nos refrescamos cunha divertida sesión de mangueira, convertendo o patio nun auténtico festival de auga.

TEATRO NA ESCOLA

 O alumnado do grupo de actividades extraescolares de teatro sorprendeunos cunha divertida representación titulada "O misterio da ópera".

Nesta historia chea de intriga, humor e sorpresas, unhas misteriosas bruxas deciden secuestrar a dúas famosas cantantes de ópera, provocando unha situación que manterá ao público atento de principio a fin. Ao longo da obra, os distintos personaxes deberán enfrontarse a pistas, enredos e momentos moi divertidos para intentar resolver o misterio.

Queremos felicitar a todas as actrices e actores polo seu esforzo, a súa ilusión e o magnífico traballo realizado durante os ensaios. Tamén agradecemos ás persoas responsables da actividade o seu acompañamento e dedicación para facer posible esta representación.

Parabéns a todo o grupo por regalarnos unha tarde chea de teatro, creatividade e emocións. Estamos desexando ver cal será a próxima aventura que nos presenten sobre o escenario!

A HORTA E PLANTAS DA ESCOLA

As crianzas estamos moi atentas a como van medrando as hortalizas, os amorodos e a coidar das plantiñas do exterior.
Os compañeiros/as de 4⁰ e 6⁰ E.I. xa apañaron as leitugas e as acelgas. Prontiño tocará a 5⁰ E.I. recoller os tomatiños.

 

AMADRIÑAMENTOS

 Esta mañá a clase de 4º de primaria baixamos durante o Plan lector á aula de 6º de Infantil, xa que alí están as nenas e nenos que este curso temos a sorte de amadriñar. O reencontro despois da celebración do Día do Libro fíxonos moita ilusión, e esperamos poder repetir esta fantástica experiencia durante as próximas semanas. 

Alumnado de 4º 

 

 

VIDA NA BIBLIO

  

E que pasará na biblioteca nos recreos?