BENVID@S!!

MILLA DIARIA- PLAN DE VIDA ACTIVA E DEPORTIVA

 A MILLA DIARIA” é unha modalidade dentro do PVAD (proxecto de vida activa e deportiva) do Plan Proxecta, no que participa o centro,  que pretende fomentar entre as rapazas e rapaces un estilo de vida saudable, aumentando o tempo que dedican á actividade física. Consiste en marcar no patio dos colexios ou arredores, un percorrido dunha milla de lonxitude (1600 metros) e facelo en calquera momento da xornada escolar de luns a venres.  Preténdese loitar contra o sedentarismo e a obesidade, pero tamén buscar os beneficios que a actividade física pode aportar para mellorar a atención, a concentración e axudar na resolución de conflitos mediante descansos activos durante a xornada escolar.

Este curso, a Milla Diaria estará relacionada co proxecto Érase unha vez a nosa escola. Comezaremos no ano 1955, con 0 quilómetros percorridos, e cada 5 quilómetros avanzaremos un ano na liña do tempo da historia da nosa escola.

                                         5 KM  =  1 ANO

 
Cada aula irá rexistrando os metros que percorre diariamente, xa sexa nos descansos activos, nos paseos en grupo, nas saídas ou noutras actividades. Todos os metros contan e todas as persoas suman! Se participa toda a clase, sumaremos o percorrido de todas e todos; se só participan 5 persoas, tamén contaremos os metros percorridos por esas 5 persoas.

Iredes acumulando os metros ata chegar aos 5.000 metros (5 km). Nese momento, avanzaremos un ano na nosa viaxe pola historia.

É recomendable manter actualizada a tarxeta da porta, xa que a mestra de Educación Física irá recollendo os datos para facer avanzar a Lingoreta pola liña do tempo xeral que estará no espazo do proxecto, no vestíbulo. Ademais, Lingoreta irá cambiando de aspecto segundo a década na que se atope.

 

Conseguirá algunha aula chegar ata o 2027? 
E entre toda a escola?

🚶🌍Nas portas de cada clase teremos un cartaz coma este, que deberedes ir cubrindo e modificando.

 

 

 

 

NASS 25. MES DE OUTUBRO

  

NOVIDADES

 

RECOMENDACIÓNS

 En outubro, por excelencia as nosas recomendación están relacionadas co medo e co Samaín. 

Xa tedes preparadas as recomendacións do noso equipo de biblioaxudantes!

 

 

VIDA NA BIBLIO

 A biblioteca, ese lugar escollido por moitas nenas e nenos para pasar os seus tempos de lecer.

MALETA VIAXEIRA

Xa temos na biblioteca a primeira maleta viaxeira cedida por bibliotecas escolares da Consellería de Educación, neste caso coa temática "Eclipse".

Terémola un mes con nós para que poidades facer uso da mesma, ata o 26 de outubro! Aproveitádea!

 

NOVO PROXECTO....

⏳ A onde viaxará Lingoreta este curso? 
Preparade as maletas... porque parece que a nosa mascota vai facer unha viaxe no tempo!

Pero... a que época irá? E que andará buscando? 👀

 

EQUIPO DE BIBLIOAXUDANTES

 XA TEMOS E-QUI-PA-ZO!!!

Imos formarnos un pouquiño este días e o luns 21 de setembro abrimos ás portas da biblioteca para o recreo!!
 

MILLA DIARIA

O alumnado de 5⁰ e 6⁰ E.I. inauguró hoxe a milla diaria facendo un pequeno percorrido de  un kilómetro e medio ata o Parque de Bonaval. Aproveitaron para merendar e xogar, desfrutando do marabilloso espazo que temos ao noso arredor.

 

ANIVERSARIOS EN 6⁰ E.I.

Comezamos o mes de setembro festexando aniversarios cos amigos e amigas da aula.
Decoramos as nosas coroas, lucimos a medalla de "cumpleañera", bailamos ao ritmo de Uxía Lambona e recibimos agasallos en forma de apertas.
Parabéns Emily! Que xa son 5 aniños!

 

RECOLLIDA

Tralo verán polo medio o alumnado de infantil estivo a apañar uns tomatiños e cabaciños da horta da escola.
Estaban deliciosos!
O seguinte paso será elaborar unha lista daqueles produtos que nos gustaría cultivar.