BENVID@S!!

O MAGOSTO NA NOSA ESCOLA!

Hoxe celebramos o xa tradicional Magosto da escola, unha mañá chea de xogos, castañas e tradicións galegas. Aquí vos contamos como foi a xornada!

🎯 Comezamos xogando!

Aproveitando a fresquiña da mañá, organizamos unha xornada de xogos tradicionais galegos, na que o alumnado, distribuído por grupos de idade, puido participar en diferentes propostas para recuperar e gozar dos xogos de sempre.

🌰 Chega a castañada!

Despois dos xogos, chegou un dos momentos máis agardados: a castañada! Moitísimas grazas ás familias que colaboraron asando as castañas desde primeira hora da mañá. Sen a súa axuda, esta celebración non sería o mesmo!

🌀 Polo San Martiño, os trompos ao camiño!

E para rematar a mañá, celebramos o Día do Peón. Sarela e Mauro foron os encargados de ler o pregón, un texto creado polo alumnado de 4º de Primaria que deu o sinal de saída a varios recreos moi especiais. A partir de hoxe, os peóns, buxainas, bailaretes e outros xoguetes xiratorios serán os protagonistas dos nosos recreos!

 

 

Viva o Magosto e viva a tradición! 🌰🌀 Esta finde, a festa segue na praza 8 de marzo co Magóstolo!

 SE QUERES VER TODAS AS FOTOS DO MAGOSTO, PREME AQUI.

NOVEMBRO, RECOMENDACIÓNS

 

NASS NOVEMBRO

 

 

 

SAMAÍN NA ESCOLA

 Nesta fin de semana celebramos o Samaín. 

*Se queredes ver todas as fotos desta semana, premede aquí. 

Comezamos nesta semana facendo os calacús en diferentes obradoiros polas aulas para ambientar o centro. 

 

 

 

 

 

O xoves as nenas e nenos de quinto saíron polo barrio para explicar nos establecementos comerciais que na nosa escola non celebramos o Halloween, celebramos o Samaín. O alumnado repartiu cartaces con seres terroríficos da nosa tradición. 

 

 

  

 

As nenas e nenos de sexto fixeron un tríptico estupendo, onde se explica que é o Samaín.  Ademais baixaron ao Cruceiro de San Pedro para deixar alí información e máis os Calacús que elaboraron.

 

*Preme aqui se queres descargalo en formato .pdf

   

 
E o xoves tivemos sesión de cine na biblioteca para ver unhas películas terrorificamente divertidas.

 PARA QUE JALOGÜÍN!   O NOSO É O SAMAÍN!!