CONECTANDO CON CABO DE CRUZ

Para rematar o proxecto sobre o patrimonio de Compostela, puxémonos en contacto con outro centro que fixera un proxecto similar, e mediante a elaboración dun Kahoot con preguntas relacionadas, fixemos un xogo para comprobar os coñecementos que tiñamos sobre este tema. Ademais continuamos con unha videochamada co alumnado do outro centro apra coñecernos, iniciando así unha actividade a que lle contamos sacar moito mais partido o vindeiro curso.

MAIL ART

O IES Antón Fraguas organizou, con motivo do homenaxeado das letras desde ano, unha convocatoria de mail-art, onde invitaron a participar a todos os que quixeran enviar vía correo postal unha composición artística baixo a temática "Cuñtura tradicional", respondendo a ese legado que deixou Antón Fraguas despois de tantos anos de traballo. Aquí expoñemos algunhas das creacións do alumnado de 3º de primaria.

COMPOSTEIROS

E seguimos traballando cos composteiros do cole, desta vez estivemos analizando e buscando bichiños, cribando e a usalo na nosa horta!

CONTACONTOS

Hoxe recibimos unha visita moi especial no cole, duns amiguiños, gardados nuns contos, que nos fixeron estar atentos todo o tempo, cantar, movernos, asubiar...

STOP MOTION - A illa de cores

O alumnado de 5º de Educación Primaria estivo traballando no obradoiro de stop motion ao longo deste derradeiro periodo do curso, coa asociación Agareso, nun obradoiro que forma parte das Educomunicativas do proxecto EdP, que se realiza xunto a Asamblea de Cooperación pola Paz.

Con gran esforzo por parte dos nenos e nenas, a titora Madó e o gran equipo de Agareso que dirixiu este proxecto foron quen de crear,  utilizando materiais como plastilina e pezas de Playmobil, un pequeno curto no que se conta unha historia que xira arredor da importancia de coidar o medio ambiente, e que como non podía ser doutro xeito, estrenaron o 5 de xuño.

 O resultado foi realmente impresionante!Noraboa a tod@s!

facer click aqui para ver o video

5 DE XUÑO: DÍA DO MEDIO AMBIENTE

No CEIP Apóstolo Santiago somos conscientes do perigo que corre o noso planeta de seguirmos cas mesmas costumes en lugar de adoptar prácticas máis saudables que axuden a coidar o noso entorno en lugar de perxudicalo. Po iso mesmo, tivemos a sorte de poder asistir a unha charla informativa sobre unha correcta reciclaxe de aceite, algo que todos deberiamos coñecer xa que é algo que usamos todos os días nas nosas casas. Ademais de aprender como se debe reciclar, regaláronnos a tod@s un aparello co que nos resultará mais doado reciclar, xa que se axusta á botella no que debemos gardar todo o aceite usado ata que o levemos ao punto limpo correspondente.

XOGUETES CON REFUGALLO

Aproveitando no calendario a conmemoración do día do medio ambiente, dende educación física, traballaron a reutilización, xogando e fabricando xoguetes con material de refugallo!

 

A MULLER NA CIENCIA

Recibimos unha visita da Facultade de Química na que nos explicaron e demostraron mediante experimentos, como a materia pode cambiar o seu estado e as súas caracteristicas, como a cor por exeplo. Os alumnos tamén tiveron a oportunidade de facer a súa propia pelota saltarina.

COÑECENDO A ANTÓN FRAGUAS

Antón Fraguas foi un estudioso do folclore e tradicións galegas, así que algún alumnado do centro se deu un pasíño ate o Museo do Pobo Galego, con intención de coñecer a esta figura das Nosas Letras, e ver unha mostra dos seus maiores puntos de interese como eran os antiguos oficios, o campo, a arquitectura, a vestimenta e a sociedade da época así como enseres persoais da súa infancia.

AMADRIÑAMENTOS LECTORES

Lecturas compartidas coas nosas madriñas e padriños de lectura, coa primavera e a natureza que rodea a nosa escola.

OFICIOS TRADICIONAIS, saída de 1º e 2º

O alumando de primeiro e segundo, tivo unha xornada moi completiña de mércores.

 Xa que aprendimos que Antón Fraguas traballou moito sobre a etnografía e os oficios, fomos a visitar a exposición de Feito coas mans, da Cidade da Cultura, onde estivemos aprendendo e coñecendo moitas cousas sobre os oficios de cestería, xoiería e cerámica.

 

Ademáis disto tamén nos explicaron como se traballaba o barro, e que beneficios tiñan as construccións feitas con este material, pero dunha maneira un tanto mais...dinámica e sucia!

E coma colofón, despois da merendola, aproveitamso a plantar no Bosque de Galicia, os castiñeiros que tiñamos xermolados na clase, teremos que irlles facer visitas a ver que tal medran!

URBAN STKETCHING

Despois dun curso enteiro traballando co patrimonio de Compostela, chegou o momento de analizar cada esquina cos nosos propios ollos. Con este obradoiro de Urban Sketching, tras varias sesións de aprendizaxe, tocou sair a rúa a debuxar cos nosos cadernos...