Con motivo da Semana do Libro, na nosa escola celebramos unha fermosa xornada de convivencia arredor da lectura a través dos amadriñamentos lectores.
Aínda que ao longo de todo o curso xa se levan a cabo lecturas compartidas entre distintos cursos, nesta ocasión quixemos darlle un carácter especial organizando unha saída conxunta. O alumnado dos cursos maiores foi recoller ás súas parellas lectoras nas aulas dos máis pequenos, iniciando xuntos un paseo ata o parque da Almáciga.
Unha vez alí, compartimos un tempo de lectura nun entorno privilexiado, combinando libros e natureza. As conversas, as historias e as risas fixeron desta experiencia un momento moi especial, no que maiores e pequenos aprenderon uns dos outros.
Esta actividade non só fomenta o gusto pola lectura, senón tamén valores como o coidado, a responsabilidade e a convivencia entre alumnado de diferentes idades.
Sen dúbida, unha xornada para repetir e seguir construíndo comunidade, nesta ocasión a través dos libros.
PREME AQUI PARA VER TODAS AS FOTOS DA XORNADA
Ningún comentario:
Publicar un comentario