A nosa experiencia cos entroidos tradicionais foi recoñecida co premio Antonio Fraguas Fraguas na súa décimo terceira edición no apartado de centros de primaria. O título do traballo presentado é: "Viva o entroido vivo! Língua,festa e comunidade". Dende fai anos participamos xunto coa EI Raiola, o CIFP Compostela, o CEIP Lamas de Abade, o IES Lamas de Abade, o CEIP López Viondi da Estrada e o CEE ASPANAES, na Mostra de Entroido de Lamas de Abade, que xa vai pola doceava edición.
Hoxe fumos ao acto de entrega do premio no Museo do Pobo Galego. Ademais da dotación económica, o ,premio ofrécemos a oportunidade de ver expostos os nosos traballos no propio Museo do Pobo no primeiro trimestre do curso 25/26.
Parabéns á comunidade do IES Monte Castelo de Burela polo premio ao seu traballo no apartado de centros de Secundaria.
Podedes ver a noticia do Museo do Pobo Galego premendo aqui.
Ningún comentario:
Publicar un comentario