O venres día 2 de outubro o alumnado de 4º de Educación Primaria recibimos a visita da Policía Local de Santiago de Compostela nas nosas aulas.
A actividade tivo dúas partes. A primeira, foi unha charla teórica para informarnos de como debiamos comportarnos como peóns polas rúas. A segunda parte, máis práctica tivo lugar polas rúas de Compostela, onde Roberto, o policía local, ía dándonos indicacións de como ir pola rúa, como pasar por riba dos pasos de peóns, como pasar por diante dos garaxes...
Sen embargo, o mellor estaba por vir. Chegamos á comisaría da policía. O que máis nos chamou a atención foron as celas para aquelas persoas que foran detidas. Eran moi pequenas e a verdade é que nos causaron impresión xa que nunca viramos como eran.
A visita da Policía Local gustounos moito e ensinounos moitas cousas que non coñeciamos como peóns.
Ningún comentario:
Publicar un comentario