BIBLIOTECA ANXEL CASAL

 O alumnado de 5º e o equipo biblioaxudante de 6º saíu esta mañana a coñecer e visitar a biblioteca pública Ánxel Casal, coñecer a súa distribución e o seu funcionamento.

 

Nada máis chegar, coñecemos a figura de Anxel Casal, e algún alumnado que xa o coñecía falounos de que porque foi unha persoa importante para Santiago de Compostela e para Galicia. Ao entrar, mediante un vídeo, fixemos unha visita virtual pola biblioteca, mentres nos lembraban as normas de comportamenteo nestes espazos así como todo o que se pode facer nel.

Despois percorrimos a biblioteca cunha das persoas encargadas, que nos foi explicando como estaban distribuídos os libros, como se colocaban, onde podíamos deixar os libros usados, que tipo de libros había en cada andar e cal era o propio da nosa idade...

E para rematar a visita, Merlo explicounos como podíamos buscar un libro no catálogo e púxonos á proba a ver se sabíamos atopalo nos estantes da biblioteca. Despois quixo explicarnos como podiamos face para emprestar un libro, pero Vera Pombo e Domi, que ían moi preparados, sacaron os seus carnés de usuarios da biblioteca e fixeron eles a explicación, de paso que levaron uns libros para pasar estes días festivos.

Xa coñecemos a biblioteca pública da nosa zona, agora non dubidedes en visitala máis veces!