O mércores e xoves desta semana, tiveron lugar os obradoiro de horta, desenvolvido en todo o centro.
Os traballos de horta realizados na actividade extraescolar "horta en familia" espertou o noso interese e curiosidade por saber que era o que se estaba creando e deseñando no patio da escola.
En 6º de infantil, contáronnos que antes de iniciar o obradoiro, sairon á horta e visualizaron todos aqueles elementos naturais que a compoñían: bancais, pontes, charcas, folla xigante e cultivos. Coa axuda de Laura, Gael P. e Federico, identificaron chícharos, xudías, amorodos, leitugas, remolachas, xirasois... E lembraron a importancia de non entrar na horta sen permiso do monitor.
No obradoiro descubrimos cousas moi interesantes: tipos de plantas de cultivo e coidados segundo a parte que se come (folla, froito, raíz e flor), o regadío a partir da creación de pozas e canles naturais, a importancia de todas as plantas na horta ("malas herbas"), funcións curativas das plantas (ortiga), a produción do abono natutal...
O monitor comentou que na seguinte sesión crearemos o noso BANCAL e para iso imos precisar bolsas de follas e sachos.
Ningún comentario:
Publicar un comentario