O longo desta semana tivemos a Dona Almáciga no mando para celebrar o Entroido, cada día fomos atendendo aos seus mandados para saber como tiñamos que ir vestidos o día seguinte.
Ademáis desta actividade, tivemos unha exposición dos entroidos tradicionais de Galicia, feita polo alumnado de 6º de EI, que ademáis de fabricala estiveron dando unhas charlas explicando os diferentes traxes e máscaras dos variados entroidos que existen na nosa cultura galega.
O venres, como último día da semana e víspera de Entroido, puxémonos as nosas galas de Choqueiras e Choqueiros, e saímos de pasarrúas facendo barullo acompañados da batukada, dando cor e música ás rúas de arredor do noso cole.
Despois de tanto andar, volvemos ao cole onde nos esperaban moitas nais e pais cunha paparota do mais variado para repoñer forzas, e mentres, o alumnado, foinos deleitando cunhas regueifas que tiñas compostas, e outras que foron saíndo improvisadas, e que nos tiveron a tod@s moi atento@s!!
Para rematar como non pode ser doutro xeito nunha boa festa, música, baile e a xogar!
